Aðgangur er 1000 kr. fyrir félagsmenn og 2000 kr. fyrir aðra. Það er afar mikilvægt að fólk skrái sig og borgi fyrirfram svo hægt sé að panta matinn.

Sjáið nánari upplýsingar á facebook síðu félagsins varðandi greiðslu. Borga þarf fyrirfram fyrir miðnætti mánudaginn 16. janúar og  gott væri einnig að fá póst á anthro.is@gmail.com. Aðgangsmiðinn er jafnframt happdrættismiði.

Minnt er á að hægt er að gerast félagi í Mannfræðifélaginu fyrir þorrablótið, árgjaldið er 3000 kr. en 1500 kr. fyrir BA nema í mannfræði.

Gíróseðlarnir fyrir árgjöldin eru einmitt að detta inn í heimabankann ykkur um þessar mundir. Um leið og Mannfræðifélagið þakkar stuðninginn á liðnum árum þá viljum við minna á að það er ykkur að þakka að við getum boðið upp á metnaðarfulla dagskrá.

Við viljum hvetja alla mannfræðinga og áhugamenn um mannfræði að fjölmenna á þorrablótið og eiga með okkur ánægjulega stund næsta föstudag.

Stjórn MÍ

Næsti fyrirlestur Mannfræðifélagsins verður þriðjudaginn 8. nóvember næstkomandi í ReykjavíkurAkademíunni, Hringbraut 121, 4. hæð og hefst kl. 20.

Í þetta sinn mun Bragi Skúlason, sjúkrahúsprestur og doktorsnemi í mannfræði ræða um Landamæri lífs og dauða: Hvenær hættir maður að vera barn foreldra sinna?

„Ýmis lífsverkefni mæta okkur með ólíkum hætti á hinum ýmsu æviskeiðum. Sambönd foreldra og barna eru að mörgu leyti grundvallandi fyrir hin ýmsu samskipti í samfélaginu. Orðatiltækið: “Sá stjórnar heiminum, sem vaggar barninu” lýsir því hvernig uppeldismótun hefur víðtæk áhrif á æviferil einstaklingsins. Mjög mismunandi er hvenær börn fara að heiman. Sum þeirra fara líkast til aldrei alveg að heiman tilfinningalega. Önnur leitast við að lýsa yfir sjálfstæði sínu með því að rjúfa tengslin sem mest. Foreldrar geta líka lýst yfir sjálfstæði sínu gagnvart börnum sínum með því að minnka tengslin. Sum börn verða vinir eða vinkonur foreldra sinna þegar fullorðinsárum er náð. Það hlýtur að teljast eðlilegt, að fullorðinssamskipti foreldra og barna feli í sér tengsl sem hafa þróast frá bernsku yfir í sjálfstæði og gagnkvæma virðingu þar sem báðir aðilar njóta jafnræðis. Sé ekki svo er hætt við að eitthvað í þroska annað hvort foreldris eða barns hafi farið úrskeiðis. Hrörnun efri áranna getur leitt til þess, að foreldri missi sjálfstæði sitt og verði þar með háð barni sínu, verði eins og barn barnsins síns. Ekki er víst að slík breyting á hlutverkum verði barninu auðveld, sérstaklega ekki ef fullorðinssamskiptin hafa ekki verið í jafnvægi. Sú rannsókn, sem hér um ræðir, beinist að íslenskum ekklum, sem misstu konur sínar á árunum 1999-2001, og samanburðarhópi kvæntra karla, sem fæddir eru á sama ári og ekklarnir og eru með búsetu á sama stað. Veikindi og síðar andlát eiginkonunnar/móðurinnar höfðu veruleg áhrif á líf barna þeirra. Þáttur fjölskyldunnar er mikill í aðdraganda að andláti eiginkonunnar og í sorgarferlinu eftir andlátið. Nokkrar breytingar urðu á samskiptum stórs hóps ekkla við börn sín. Þeir fengu aðstoð úr ýmsum áttum, sem gerð verður grein fyrir. Andstætt því sem margir halda, þá voru ekklarnir ekki fljótir í aðra sambúð. Þeir ekklar sem höfðu flust búferlum höfðu margir flutt nær börnum sínum.”

Allir áhugasamir eru hvattir til að mæta.

Daniel Miller er prófessor í mannfræði við University College London. Hann er með þekktari mannfræðingum samtímans, sérstaklega fyrir rannsóknir sínar í efnismenningu og hefur gert, ásamt fleirum, UCL að miðstöð slíkra rannsókna. Þar hefur hann einnig komið á fót kennslu og rannsóknum í stafrænni mannfræði sem er nýtt svið innan mannfræðinnar. Miller hefur stundað rannsóknir áTrinidad, Jamaica, Indlandi og London og hefur aðallega rannsakað tengsl fólks við hluti, þ.m.t. gallbuxur, heimili, fjölmiðla og bíla. Eftir að hafa rannsakað áhrif internetsins á Trinidad, skoðaði hann áhrif gemsa á fátækt á Jamaicaog nýlega hvernig Facebook hefur breytt félagslegum samskiptum. Meðal bóka sem hann hefur skrifað eru: Material Culture and Mass Consumption (1987); A Theory of Shopping (1998); The Dialectics of Shopping (2001); The Comfort of Things (2008); Stuff (2010); og Tales from Facebook (2011).

 Fyrirlestur Millers ber heitið: Facebook og stafræn mannfræði

„Mannfélagsfræðin hefur ávallt beint sjónum sínum að félagslegum tengslum og ætti því að hafa sérstakan áhuga á rannsóknum á tengslasíðum á netinu.

Flestar akademískar rannsóknir á Facebooksíðunni hafa beinst að upphafi hennar, þar með talið uppgötvun og notkun í Bandaríkjunum.

Nú eru um 600 milljón notendur og þeim fer fjölgandi á stöðum eins og Indónesíu og Tyrklandi.

Fyrirlesturinn byggist á fyrstu mannfræðilegu rannsókninni á afleiðingum af Facebook notkun og var gerð áTrinidad. Rannsóknin gefur til kynna að tengslasíður muni verða notaðar öðruvísi í framtíðinni heldur er í upphafi, verði hugsanlega mun mikilvægari fyrir eldra fólk en yngra.

Niðurstöðurnar úr Facebook rannsókninni verða síðan notaðar til að lýsa nýju rannsóknarsviði innan mannfræðinnar, stafrænni mannfræði.”

Þetta er einstakt tækifæri og félagar og aðrir sem áhuga hafa eru hvattir til að fjölmenna á fyrirlesturinn.

Þema fyrirlestraraðar Mannfræðifélags Íslands veturinn 2011-2012 er …. þvert á landamæri. Áhugaverð dagskrá hefur verið sett inn á vef félagsins, og þið eruð hvött til að skoða hana nánar. Fyrsti viðburður þessa starfsárs verður með óformlegum hætti og verður haldinn þriðjudaginn 13. september á bókakaffinu Glætunni, Laugavegi 19, Reykjavík, 2. hæð, klukkan 20.00. Dagskrá vetrarins verður kynnt og síðan verða fyrirlesarar þau Ármann H. Gunnarsson, MA nemi í hagnýtri menningarmiðlun og mannréttindaguðfræði og Harpa Stefánsdóttir, MA nemi í mannfræði og hagnýtri menningarmiðlun. Þau munu segja frá starfi sínu hjá mannréttindasamtökunum Social Action Movement á Indlandi.

Félagsmenn, og aðrir sem áhuga hafa á starfsemi félagsins eru hvattir til að mæta á staðinn, kynna sér dagskrá vetrarins og taka þátt í umræðum.

Munið að Mannfræðifélagið er líka á facebook og þar er hægt að fylgjast vel með hvað er í gangi hverju sinni þannig að endilega sláist í hópinn.

Allir velkomnir

Dagskrá:
a. Skýrsla formanns.
b. Endurskoðaðir reikningar félagsins lagðir fram.
c. Kosning fimm manna stjórnar og tvo varamanna.
d. Kosning tveggja skoðunarmanna reikninga.
e. Félagsgjöld.
f. Lagabreytingar
g. Önnur mál.

Á fyrirlestrinum mun hann ræða þátttöku sína í Afríku verkefni á vegum British Museum sem fram fór í Sierra Leone og verkefninu “Reanimating Cultural Heritage”. Paul nýtir samlíkingu við tvíheima (e. diaspora) til að endurskoða tengslin á milli þjóðfræðilegra safna (e. collections) og svokallaðra “uppruna samfélaga”. Hann kannar hvernig söfn geta á ólíkan hátt öðlast nýtt líf þegar safnaheimurinn og miðlunarheimurinn snertast gegnum stafræn söfn. Markmið hans er að velta fyrir sér gildi safna, þekkingar og nettengdra menningarstofnanna sem og möguleikum þeirra til að leggja eitthvað þýðingarmikið af mörkum til að endurvekja samfélagið sjálft á breiðari grundvelli, í samhengi við pólitískar og hagfræðilegar áskoranir.

Paul Basu er félagsmannfræðingur og ráðgjafi á sviði safna/menningararfs. Hann starfaði um árabil við kvikmyndagerð og framleiðslu sjónvarpsefnis. Hann lauk MSc prófi í félagsmannfræði árið 1996 og PhD prófi í mannfræði árið 2002, bæði við University College London, undir leiðsögn Barbara Bender og Christopher Tilley. Paul kenndi í nokkur ár við mannfræðideild Sussex University, en snéri aftur til UCL árið 2009 sem Reader í efnismenningar-fræðum og safnafræði. Útgefin verk Paul Basu eru meðal annarra: Highland Homecomings: Genealogy and Heritage Tourism in the Scottish Diaspora (Routledge, 2007), Exhibition Experiments (ritstjóri ásamt Sharon Macdonald, Blackwell, 2007), og sérútgáfa af Mobilities um þemað ‘Migrant Worlds, Material Cultures’ (ritstjóri ásamt Simon Coleman, 2008). Paul Basu hefur umsjón með námi í safnafræði við UCL og er ritstjóri Journal of Material Culture.

ALLIR VELKOMNIR!

Hallfríður Þórarinsdóttir er með doktorsgráðu í menningarmannfræði frá The New School for Social Reseach í New York borg. Hún dvaldi um árabil erlendis og vann m.a við háskólakennslu. Hún stofnaði MIRRA, Miðstöð InnflytjendaRannsókna ReykajvíkurAkademíunni og hefur veitt henni forstöðu frá upphafi 2007.

ALLIR VELKOMNIR!

Checkpoint (upprunalegt heiti er Machssomim) er heimildamynd frá 2003 eftir ísraelska kvikmyndgerðarmanninn Yoav Shamir. Hann er þekktur fyrir heimildamyndir sínar sem fjalla á ýmsan hátt um stefnu ísraelskra stjórnvalda og hefur hann sjálfur sætt gagnrýni og jafnvel verið ásakaður um gyðingahatur vegna þess, en myndina Checkpoint byggir hann á eigin reynslu úr herþjónustu sinni í ísraelska hernum.
Myndin hefur engan raunverulegan söguþráð heldur er myndavélinni stillt upp við mismunandi varðstöðvar milli Gaza strandarinnar og Ísrael og sýnir samskipti ísraelskra hermanna og Palestínumanna. Varðstöðvarnar eru til að hafa stjórn á ferðum Palestínumanna á milli svæðanna og sagðar vera nauðsynlegar til að berjast gegn hryðjuverkum.

Hermennirnir stöðva Palestínumenn við varðstöðvarnar og athuga skilríki þeirra, stundum kemst fólk yfir án vandræða en oft er það látið bíða og jafnvel neitað um að komast yfir, að því er virðist vera, vegna duttlunga hermannanna. En það kemur einnig í ljós að hermennirnir stjórna ekki öllu og verða oft að fylgja tilviljanakenndum skipunum yfirmanna sinna. Tungumálaerfiðleikar gera ástandið enn verra en fæstir tala tungumál hins hópsins.

Myndin Checkpoint hefur fengið verðlaun á ýmsum kvikmyndahátíðum, m.a. sem Besta heimildamyndin á Alþjóðlegu heimildamyndahátíðinni í Amsterdam, Hot Docs Alþjóðlegu heimildahátíðinni í Kanada og Golden Gate verðlaunin fyrir heimildamynd á Alþjóðlegu kvikmyndahátíðinni í San Francisco. 
 
Allir velkomnir.

Í fyrirlestrinum mun Kristján fjalla um “etníska” Íslendinga sem hafa tekið íslamtrú. Trúskipti af þessu tagi hafa átt sér stað í að minnsta kosti fjörutíu ár og er þessi hópur nokkuð fjölbreyttur. Til að byrja með gerðust Íslendingar múslimar vegna hjúskapar (voru konur þar í meirihluta) en í seinni tíð hefur aukist að einstaklingar (oft ungt fólk) hafa tekið íslamstrú af öðrum ástæðum – augljóslega af trúarlegum en einnig af pólitískum ástæðum (t.d. sem samsömun við ýmsa kúgaða hópa í heiminum). Rannsóknin er að miklu leyti byggð á viðtölum við múslímska Íslendinga af báðum kynjum, ýmsum aldri, mismunandi menntunarstigi og þjóðfélagstöðu. Litið verður á þennan hóp sem eins konar jaðarfyrirbæri í félagslegum og menningarlegum skilningi, sem tengilið á milli tveggja (eða fleiri) heima og sýnt fram á að sú brúarbygging gengur misjafnlega vel. Athygli verður beint að þeim breytingum sem verða í samskiptum þessara nýju múslima við félagslegt net sitt sem og samfélagið í víðara samhengi. Litið verður á mismunandi hátt og ástæður fyrir því að Íslendingar taka íslamtrú og þá breytingu sem verður á heimssýn og lífsháttum þessara einstaklinga. Síðan verður þetta fyrirbæri borið saman við samskonar trúskipti í nokkrum nágrannalöndum okkar.

Allir velkomnir!